جــديــد (( خلها على الله كلها مسألت وقت ))

السلام عليكم ورحمه الله وبركاته

بدون مقدمات : أخليكم مع القصيده






خلها على الله كلها مسألـت وقـت
أنسى غرامك والـذى بيننـا كـان
صحيح فى فرقاك ضقـت وتألمـت
والضيق مهما طال يأتيـه سلـوان
بين الرجا واليأس عقبـك تعلقـت
يومك نويت البعد واعلنت هجـران
هديت ساس الحب بالغدر حطمـت
واشعلت فى قلبى من النار بركـان
قصرت فى واجبك بالوصل مننـت
شرع الهوى خالفت ياخدر الأعيان
يعنى علشانى على حبـك ادمنـت
ولا سمعت بحبكـم قـول عـدوان
ولا علشانك على القلـب سلطنـت
تجزينى بهجرك على غير برهـان
خنت العهود الماضيه ليه.!. ماصنت
باكر يدور الوقت وتصيـر ندمـان
حسبـى عليـك الله ليتـك تمهلـت
ياللى على عرش المعاليق سلطـان
أذكر ليالى ماضيـه عندمـا كنـت
ارخص لك الغالى على قدر الأمكان
اشكرك ياوقت الشقـا يـوم بينـت
شين الطبوع اللى على نيتـه بـان
لاهنت ياجرحن سطابـى ولاشنـت
ذوقتنى طعم المفـارق والأحـزان
صارت لنا عبره.!. ومنها تعلمـت
باكر مـع الأيـام يمحيـه نسيـان




سلامتكم